Төрөлтийн тухай таны мэдвэл зохих зүйлс

Ураг ээжийнхээ хэвлийд гадаад орчинд дасан зохицох чадвартай болсны дараа төрөхөд бэлэн болдог. Мөн ээжийн бие махбод төрөлтөнд аажим аажмаар бэлдэж байдаг. Ургийн давшилт, умайн жигд базлалт, умайн хүзүүн нээгдэлт, ээж болон эмчийн хамтын ажиллагааны үр дүрд  ургийн түрүүлсэн хэсэг (толгой, өгзөг) эхийн бага аарцгийн хөндий, үтрээгээр дамжин гарах үйл явцыг төрөлт гэж ойлгож болно.

Жирэмсний 37 долоо 40 долоо хоног 6 өдөр хүртэлх хугацаанд төрөхийг хэвийн гэж үздэг бөгөөд хувь хүн бүрт харилцан адилгүй байдаг. Энэ удаад хэвийн төрөлтийн талаар ярилцацгаая.

Хэвийн төрлөгийг 3 үе шат болгон үздэг. Үүнд:

Нэгдүгээр үе – бэлтгэл үе

Умай жигд базлалтын үр дүнд умайн хүзүү (савны амсар гэж ярьдаг) нээгдэж төрөлтөнд бэлтгэнэ. Нэгдүгээр үеийн эрт шатанд савны амсар 3-4 см хүртэл нээгдэх ба цаашид идэвхтэй үе лүү шилжин базлалтын хүч нэмэгдэж, давтамж ойртож үргэлжлэх хугацаа нэмэгддэг.

Хоёрдугаар үе – Хүүхэд төрөх үе

Умайн хүзүү бүрэн нээгдсэний дараа ураг төрөх замаар төрөх ба төрмөгц эхийн хэвлий дээр тавьж арьс арьсаар шүргэлцүүлнэ. Мөн дулаан алдалтаас сэргийлэн хуурайшуулах ба хүйн судасны лугшилт зогссоны дараа хавчуурыг тавьж тасална.

Гуравдугаар үе – Ихэс төрөх

Ихэс нь умайн хананд шигдэн байрлаж ургийг өсөж хөгжих боломжийг бүрдүүлдэг. Хүүхэд төрсний дараа ихэс умайн хананаас ховхорч гадагшилсны дараа төрөлтийн үйл явц дууслаа гэж үздэг.

Хувь хүний онцлог байдлаас шалтгаан анхан төрөгчид төрөлт 12-24 цаг, давтан төрөгчдөд 10-12 цагийн турш үргэлжилдэг. Мэдээж хамгийн их хугацаа шаардлагатай нь нэгдүгээр үе бол хоёрдугаар үе 20минутас 2 цаг, гуравдугаар үе 10минутаас 30 минут хүртэлх хугацаанд үргэлжилдэг.

Төрөлтийн гуравдугаар үеийн дараа төрсний дараах үе эхэлдэг ба төрсний дараах 6 долоо хоног буюу 42 хоногийн турш үргэлжилдэг.

Төрөлтийн үе шатуудад хэрхэн өөрийгөө бэлдэх талаарх мэдээллийг дараагийн нийтлэлээс уншаарай.

Холбоотой Мэдээ

Сэтгэгдэл

СЭТГЭГДЭЛ ҮЛДЭЭХ

Энд сэтгэгдэл оруулна уу!
Нэрээ оруулна уу

Ээжийг Дагах

8FansLike
0FollowersFollow
0SubscribersSubscribe

Их Уншсан

Хайрын 5 хэл – Та хайрын хэлээ мэдэх...

Бид өдөр тутмын амьдралдаа харилцаанд оршиж байдаг. Тэр харилцаанууд бүгдээрээ ойлгомжтой бас бүтэлтэй байдаг билүү? Наад зах нь бид хайртай хүнтэйгээ, хүүхдүүдтэйгээ...

Гэр бүлийн зөв цөм харилцаа нь эхнэр, нөхөр...

Та магадгүй энэ сэдвийг олон удаа хаа нэгтэйгээс харж байсан байх. Гэр бүлийн харилцааны талаар ярихаасаа өмнө бид эхлээд “Гэр бүл”-ийн тухай ярих хэрэгтэй...

Нарнаас хамгаалах тосыг хэрхэн сонгох вэ?

Нарнаас хамгаалах тосыг сонгохдоо та юуг голчлон хардаг вэ? Арай савлагааных нь өнгө үзэмжээр сонгодог юм биш биз? Энэхүү нийтлэлээр нарнаас хамгаалах...

Хүүхдэдээ сайн эцэг эх болоход та бэлэн үү?

Хүүхэдтэйгээ харилцахдаа нэг л учраа олохгүй байна уу? Маш энгийн, амархан зүйлсийг амьдрал дээр багахан хэмжээнд өөрчлөхөд танд энэ бүхэн арай л...

Умайн базлалт эхэд мэдрэгдэж эхлэх үед юу анхаарах...

Умай жигд базлалтын үр дүнд умайн хүзүү (савны амсар гэж ярьдаг) нээгдэж төрөлтөнд бэлтгэнэ. Нэгдүгээр үеийн эрт шатанд савны амсар 3-4 см...