Эндометриоз юм биш биз?
Эндометриоз нь ихэвчлэн нөхөн үржихүйн насны эмэгтэйчүүдэд тохиолддог өвчин хэдий ч шилжилтийн насны охид болон даавар орлуулах эмчилгээ хийлгэж байгаа цэвэршсэн эмэгтэйчүүдэд тохиолдоно.
- Нийт эмэгтэйчүүдийн 10% нь энэхүү эмгэгтэй байдаг бол
- Нийт эндометриозтой эмэгтэйчүүдийн 64% нь 30 хүрээгүй байхдаа оношлогддог.
- Хэвлийн өвдөлттэй эсвэл үргүйдэлтэй эмэгтэйчүүдийн 20-90% эндометриоз тохиолддог.
- Шалтгаан тодорхойгүй үргүйдэлтэй эмэгтэйчүүдэд 50% тохиолддог.
Эндометриоз гэж юу?
Endo -дотор metra -умай гэсэн утгатай грек гаралтай нэршил бөгөөд умайн салст бүрхэвчийн үйл ажиллагааг гүйцэтгэж байгаа булчирхайлаг хучуур эд болон түүний тулгуур эдүүд умайн хөндийгөөс өөр байршил, өөр эрхтэнд шилжин байрласнаас шалтгаалан илрэх ба тухайн орчиндоо үрэвслийн нэвчдэс, наалдац үүсгэснээр бүтэц үйл ажиллагааны алдагдалд хүргэдэг архаг явцтай эмгэг юм.
САРЫН ТЭМДЭГ ИРЭХ ҮЕД ӨВДӨХ НЬ ЭНЭ ӨВЧНИЙ ШИНЖ ТЭМДЭГ БАЙЖ БОЛОХ БӨГӨӨД ОГТ ШИНЖ ТЭМДЭГГҮЙ БАЙХ Ч ТОХИОЛДОЛ БАЙДАГ.
АЛСДАА ҮРГҮЙДЭЛ БОЛОН БУСАД ТӨРЛИЙН ХҮНДРЭЛИЙГ ДАГУУЛАХ НЬ БИЙ.
